- 7 -

1324 (20. kwietnia) Fulda.

Ludwik IV. Bawarski (Ludwik IV. Wittelsbach), król rzymski i niemiecki, zezwolił wrocławskiemu księciu Henrykowi VI. Dobremu, by ten swe ziemie przekazać mógł w dziedzictwo swojej córce lub małżonce.

— Ludovicus dei gracia Romanorum rex semper augustus universis sacri Romani imperii fidelibus, ad quos presentes pervenerint, gratiam suam et omne bonum. Ad utilitatem et incrementum honoris nostri et imperii pervenire non ambigimus, cum subditis nostris, maxime eis, per quos nostra et ipsius imperii commoda poterunt efficacius promoveri, regiam adhibemus benevolenciam liberalem. Hinc est quod vobis tenore presentium facimus esse notum, quod nos hac consideracione ad petitionem illustris Heinrici ducis Vratislavie principis et affnis nostri dilecti ac propter obsequia, que nobis et imperio utilia in futurum inpendere potent et debebit, civitatem Vratislaviensem, oppidum NewenmarkŚroda Śląska et castrum UrasZamek Uraz, pow. Trzebnica cum eorum pertinenciis et appendicibus universis, que quondam Henricus dux Vratislaviensis illustris bone memorie dictus der biderbe hertzog Heinrich olim ab imperio tenuit et possedit, eidem Heinrico duci, nostro affini et Elisabet, Offamie et MargaretheCórki wrocławskiego księcia Henryka VI. Dobrego ipsius filiabus nunc existentibus ac aliis suis liberis, tam masculini quam feminini sexus, quos ipsum in futurum habere contigerit, favorabiliter et gratiose in feodum a nobis et imperio tenendum per ipsos et habendum contulimus et concessimus ac eciam concedimus per presentes, volentes nichilominus et addicientes de gratia speciali, quod si prefatum ducem et suas filias prenominatas aliis eiusdem ducis masculini vel feminini sexus liberis nullis superstitibus decedere contigerit ab hac luce, extunc illustris Anna dicti ducis nunc conthoralis, si supervixerit, usufructum civitatis oppidi castri et pertinenciarum ipsarum predictarum habeat et possideat tanquam in feodum a nobis et imperio pro tempore vite sue. In cuius rei testimonium presentes conscribi et sigillo nostro maiestatis iussimus communiri.
Datum in Fulda XII. kalendas Maji anno domini millesimo C.ºC.ºC.ºXX.ºIIII, regni vero nostri anno decimo.

Lehns- und Besitzurkunden Schlesiens und seine einzelne Fürstenthümer im Mittelalter. Herausgegeben von Dr. C. Grünhagen und Dr. H. Markgraf. Erster Theil. Leipzig 1881.